「試當真」收皮蘇粉，唔只係一件TEE，
而係自己人先睇得明嘅暗號。

我哋揀用廣東話拼音，唔係為咗讕特別，
而係想將「試當真」變成一種只屬於香港人，
或者至少識講廣東話先decode到嘅密碼。
識就識，唔識就算。（講笑～唔識咪介紹返囉～）

設計嘅核心，其實唔係圖案亦唔係文字，
而係YouTube條時間軸。

我哋相信：「每條影片嘅時間軸，都係獨一無二嘅生命線。」
呢條生命線，原本係唔存在嘅，
係因為大家一次又一次click入去睇，
呢條充滿起伏嘅線先至慢慢咁被編織出嚟。

有啲位，我哋一齊笑到仆街；
有啲位，我哋一齊眼濕濕；
有啲位，我哋一齊喪loop到凌晨三點都唔肯停。

所以著上呢啲蘇粉，唔只係代表你鍾意「試當真」，
而係代表你真係見證過、參與過、共鳴過。

試當真收皮紀念蘇粉設計
by 試當真
2025
D: arra